Zakat ka Tareeqa

 Zakat Islam ka ek farz hai jo har us Musalman par wajib hoti hai jiske paas maal ek saal tak rahe aur nisaab poora ho jaye Zakat ka matlab hai apne maal me se ek hissa Allah ke raste me dena taake gareeb aur zaruratmand logon ki madad ho sake Zakat farz hone ka nisaab ye hai ke agar kisi ke paas 7.5 tola sona ya 52.5 tola chandi ya inke barabar paisa ho aur wo ek saal tak rahe to us par zakat farz hoti hai Zakat ka hisaab nikalne ka tareeqa ye hai ke apne paas jitna maal hai uski total value likho aur uska 2.5 percent nikal lo wahi tumhari zakat hai Misal ke taur par agar tumhare paas 100000 rupay hain to uska 2.5 percent hota hai 2500 rupay to tum 2500 rupay zakat doge Zakat un logon ko di jati hai jo gareeb ho jin ke paas apni zarurat poori karne ka saman nahi hota jo karz me ho ya jo Allah ke raste me kaam kar rahe ho Zakat dene ka tareeqa ye hai ke apna maal ka hisaab karo phir nikal kar kisi haqdar ko chhup kar ya khule taur par de do aur dil me niyyat rakho ke ye Allah ke hukm ke liye de raha hoon Zakat dene se maal paak hota hai dil me sukoon milta hai gareeb ki madad hoti hai aur Allah ki rehmat aur barkat barhti hai